The sensitivity and
delicacy of human emotions are well-explained through poetry. It is said that happiness is short-lived and momentary but sadness remains with us in various form throughout. The effect of the torment of life is somewhat lessen when a poem describing the objective of the precious life given to us by the Almighty ,is either read or written.
1) kar rahā thā ġham-e-jahāñ kā hisāb
aaj tum yaad be-hisāb aa.e
aziiz itnā hī rakkho ki jī sambhal jaa.e
ab is qadar bhī na chāho ki dam nikal jaa.e
terā milnā ḳhushī kī baat sahī
tujh se mil kar udaas rahtā huuñ
maiñ to ġhazal sunā ke akelā khaḌā rahā
sab apne apne chāhne vāloñ meñ kho ga.e
kabhī ḳhud pe kabhī hālāt pe ronā aayā
baat niklī to har ik baat pe ronā aayā
tum mujhe chhoḌ ke jāoge to mar jā.ūñgā
yuuñ karo jaane se pahle mujhe pāgal kar do
ab to ḳhushī kā ġham hai na ġham kī ḳhushī mujhe
be-his banā chukī hai bahut zindagī mujhe
ham to kuchh der hañs bhī lete haiñ
dil hamesha udaas rahtā hai
apnī hālat kā ḳhud ehsās nahīñ hai mujh ko
maiñ ne auroñ se sunā hai ki pareshān huuñ maiñ
kisī ke tum ho kisī kā ḳhudā hai duniyā meñ
mire nasīb meñ tum bhī nahīñ ḳhudā bhī nahīñ
chalne kā hausla nahīñ ruknā muhāl kar diyā
ishq ke is safar ne to mujh ko niDhāl kar diyā
tum kyā jaano apne aap se kitnā maiñ sharminda huuñ
chhūT gayā hai saath tumhārā aur abhī tak zinda huuñ
mujhe tanhā.ī kī aadat hai merī baat chhoḌeñ
ye liije aap kā ghar aa gayā hai haat chhoḌeñ
No comments:
Post a Comment